一直以为最正嘅榴莲系“金枕”，直至遇到“榴莎美乐”，食过 “猫山王”和D24榴莲做的甜品，完全颠覆我三观！榴莲系水果之王，“猫山王”绝对是王中王，瞬间金枕变成浮云！一口“猫山王”满口榴莲香，皆因其味道实在太霸道，令人久久不能忘怀。“榴莎美乐”嘅榴莲甜品都正到无朋友，全部用新鲜D24榴莲肉，D24有浓浓嘅奶香味，做甜品绝对一流，食过返寻味，gogogo，小编带你品榴莲盛宴！
“榴莎美乐”就系东方宝泰负二层，虽然店铺唔大，之但系墙上挂画隐隐感觉到马来西亚味道，原来老板就系马来西亚华人，难怪对榴莲如此有追求！好多出品都系老细同爱妻一同研究、创作、改良，可谓是啖啖榴莲香浓浓夫妻情！
首先，绝对要推荐呢个D24榴莲Pizza（8寸），芝士覆盖在面，好似一层膜甘，将榴莲香味完完全全锁左系一块块Pizza入边，老板娘好细心，系隔离放左番茄仔，仲切开夹左酸梅肉系入边，食完Pizza黎翻粒，消腻！
一啖咬落去，真系啖啖榴莲肉，直接睇图！口水都流晒.....
呢个系新品，去果阵老板连名都未霖好，做白老鼠试试味呢D粗重功夫就等细嘅我黎做啦！
以为中间果个系榴莲雪糕，原来系整榴莲肉球！淋上去嘅汁，系老板亲自调制，有椰汁、牛奶，味道淡淡地不过口感好浓厚，搭配千层酥一起，好似干柴遇上烈火！之后老板娘起左个好诗情画意嘅名，叫熔岩雪山
牛奶冰沙做底，加两个新鲜榴莲肉球，出黎嘅效果竟然如此奇妙，以为自己食紧榴莲雪糕，炎炎夏日呢个榴莲双返值得一试！
又中意芒果又中意榴莲，榴莲杨枝甘露、榴莲芒果黑珍珠一次满足你两个愿望，呢两款甜品都系用新鲜芒果肉打汁做底，酸酸甜甜透心凉！
一直都好中意食班戟，不过出边卖嘅班戟cream多肉少，榴莲控表示好唔满足！而“榴莎美乐”嘅榴莲班戟，皮金黄而且薄，切开就知榴莲肉好多，一啖入口，加上D24榴莲本身嘅奶香味溢满晒口腔，就好似食濑尿虾食到膏甘好惊喜，只想讲句“老细，唔该黎多份！”。
呢度嘅榴莲果肉，全部系从马来西亚搭飞机过黎。同泰国榴莲唔同，由于当地嘅榴莲都系树上熟，赏味期相对较短，因为呢个特殊原因，正到无朋友嘅马来西亚榴莲，都系近两年先得以入口中国，进口均采用先进嘅-35°C真空速冻技术，榴莲原本嘅风味完完全全保存左落黎，让你无需出国就能享受到如同即摘一样的果肉！
猫山王，姜黄色，肉厚核细，肉身有如凝脂，味道浓郁厚重，部分老树结的果会有少少苦，但苦后回甘！对于我呢种榴莲忠实fans，榴莲甜品根本满足唔到我，即刻黎份纯果肉，直接抓住食！
D24榴莲肉，有浓浓嘅奶香味，口感细腻嫩滑，甜度高，榴莲香味虽然无“猫山王”甘霸道，不过风味独特，浓浓的香甜足以触发口中每条神经！
当年澳门赌王何鸿燊用专机系新加坡机场运左100个“猫山王”到香港，只舍得送比当时香港特首曾荫权10个！可想而知其美味程度非同一般！
做榴莲嘅店有好多，呢间绝对系我目前食过最正嘅一间！全部用D24榴莲肉做甜品，而且落手好重好足料，彻底将我征服！老板对出品好用心，不断改良搭配，老板娘好贴心，榴莲小食搭配水果，清凉又消腻！相信去食过嘅朋友仔，都会感受到佢地对榴莲果份热爱，同埋对出品嘅认真、执着！
店名：榴莎美乐
地址：林和中路63号东方宝泰购物广场负二层
